(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 085

॥ శ్రీః ॥
1.85. అధ్యాయః 085
Mahabharata - Adi Parva - Chapter Topics
బ్రహ్మచర్యాద్యాశ్రమవిషయకాష్టకయయాతిప్రశ్నప్రతివచనం॥ 1 ॥
Mahabharata - Adi Parva - Chapter Text
అష్టక ఉవాచ। 1-85-0x(518)(3748)
చరన్గృహస్థః కథమేతి ధర్మా-
న్కథం భిక్షుః కథమాచార్యకర్మా।
వానప్రస్థః సత్పథే సన్నివిష్టో
బహూన్యస్మిన్సంప్రతి వేదయంతి॥ 1-85-1(3749)
యయాతిరువాచ। 1-85-2x(519)
ఆహూతాధ్యాయీ గురుకర్మస్వచోద్యః
పూర్వోత్థాయీ చరమం చోపశాయీ।
మృదుర్దాంతో ధృతిమానప్రమత్తః
స్వాధ్యాశీలః సిధ్యతి బ్రహ్మచారీ॥ 1-85-2(3750)
ధర్మాగతం ప్రాప్య ధనం యజేత
దద్యాత్సదైవాతిథీన్భోజయేచ్చ।
అనాదదానశ్చ పరైరదత్తం
సైషా గృహస్థోపనిషత్పురాణీ॥ 1-85-3(3751)
స్వవీర్యజీవీ వృజినాన్నివృత్తో
దాతా పరేభ్యో న పరోపతాపీ।
తాదృఙ్మునిః సిద్ధిముపైతి ముఖ్యాం
వసన్నరణ్యే నియతాహారచేష్టః॥ 1-85-4(3752)
అశిల్పజీవీ గుణవాంశ్చైవ నిత్యం
జితేంద్రియః సర్వతో విప్రయుక్తః।
అనోకశాయీ లఘురల్పప్రసార-
శ్చరందేశానేకచరః స భిక్షుః॥ 1-85-5(3753)
రాత్ర్యా యయా వాఽభిజితాశ్చ లోకా
భవంతి కామాభిజితాః సుఖాశ్చ।
తామేవ రాత్రిం ప్రయతేత విద్వా-
నరణ్యసంస్థో భవితుం యతాత్మా॥ 1-85-6(3754)
దశైవ పూర్వాందశ చాపరాంశ్చ
జ్ఞాతీనథాత్మానమథైకవింశం।
అరణ్యవాసీ సుకృతే దధాతి
విముచ్యారణ్యే స్వశరీరధాతూన్॥ 1-85-7(3755)
అష్టక ఉవాచ। 1-85-8x(520)
కతిస్విదేవ మునయః కతి మౌనాని చాప్యుత।
భవంతీతి తదాచక్ష్వ శ్రోతుమిచ్ఛామహే వయం॥ 1-85-8(3756)
యయాతిరువాచ। 1-85-9x(521)
అరణ్యే వసతో యస్య గ్రామో భవతి పృష్ఠతః।
గ్రామే వా వసతోఽరణ్యం స మునిః స్యాజ్జనాధిప॥ 1-85-9(3757)
అష్టక ఉవాచ। 1-85-10x(522)
కథంస్విద్వసతోఽరణ్యే గ్రామో భవతి పృష్ఠతః।
గ్రామే వా వసతోఽరణ్యం కథం భవతి పృష్ఠతః॥ 1-85-10(3758)
యయాతిరువాచ। 1-85-11x(523)
న గ్రాంయముపయుంజీత య ఆరణ్యో మునిర్భవేత్।
తథాస్య వసతోఽరణ్యే గ్రామో భవతి పృష్ఠతః॥ 1-85-11(3759)
అనగ్నిరనికేతశ్చాప్యగోత్రచరణో మునిః।
కౌపీనాచ్ఛాదనం యావత్తావదిచ్ఛేచ్చ చీవరం॥ 1-85-12(3760)
యావత్ప్రాణాభిసంధానం తావదిచ్ఛేచ్చ భోజనం।
తథాఽస్య వసతో గ్రామేఽరణ్యం భవతి పృష్ఠతః॥ 1-85-13(3761)
యస్తు కామాన్పరిత్యజ్య త్యక్తకర్మా జితేంద్రియః।
ఆతిష్ఠేచ్చ మునిర్మౌనం స లోకే సిద్ధిమాప్నుయాత్॥ 1-85-14(3762)
ధౌతదంతం కృత్తనఖం సదా స్నాతమలంకృతం।
అసితం సితకర్మాణం కస్తమర్హతి నార్చితుం॥ 1-85-15(3763)
తపసా కర్శితః క్షామః క్షీణమాంసాస్థిశోణితః।
స చ లోకమిమం జిత్వా లోకం విజయతే పరం॥ 1-85-16(3764)
యదా భవతి నిర్ద్వంద్వో మునిర్మౌనం సమాస్థితః।
అథ లోకమిమం జిత్వా లోకం విజయతే పరం॥ 1-85-17(3765)
ఆస్యేన తు యదాఽహారం గోవన్మృగయతే మునిః।
అథాస్య లోకః సర్వోఽయం సోఽమృతత్వాయ కల్పతే॥ 1-85-18(3766)
సామాన్యధర్మః సర్వేషాం క్రోధో లోభో ద్రుహాఽక్షమా।
విహాయ మత్సరం శాఠ్యం దర్పం దంభం చ పైశునం।
క్రోధం లోభం మమత్వం చ యస్య నాస్తి స ధర్మవిత్॥ 1-85-19(3767)
అష్టక ఉవాచ। 1-85-20x(524)
నిత్యాశనో బ్రహ్మచారీ గృహస్థో వనగో మునిః।
నాధర్మమశనాత్ప్రాప్యేత్కథం బ్రూహీహ పృచ్ఛతే॥ 1-85-20(3768)
యయాతిరువాచ। 1-85-21x(525)
అష్టౌ గ్రాసా మునేః ప్రోక్తాః షోడశారణ్యవాసినః।
ద్వాత్రింశత్తు గృహస్థస్య అమితం బ్రహ్మచారిణః॥ 1-85-21(3769)
ఇత్యేవం కారణైర్జ్ఞేయమష్టకైతచ్ఛుభాశుభం॥ ॥ 1-85-22(3770)

ఇతి శ్రీమన్మహాభారతే ఆదిపర్వణి సంభవపర్వణి పంచాశీతితమోఽధ్యాయః॥ 85 ॥

Mahabharata - Adi Parva - Chapter Footnotes
1-85-1 అస్మింధర్మే విషయే బహూని ప్రాప్తిద్వారాణి వేదయంతి వైదికాః॥
1-85-4 స్వవీర్యజీవీ స్వప్రయత్నలబ్ధజీవికః॥
1-85-5 అనోకశాయీ యత్ర క్వచనశాయీ। లఘుః పరిగ్రహశూన్యః॥
1-85-6 తామేవ రాత్రిం తదైవ సర్వపరిగ్రహం సంన్యస్య అరణ్యసంస్థో భవితుం ప్రయతేత॥
1-85-8 సంన్యాసః కతిధేతి పృచ్ఛతి। కతిస్విదితి॥
1-85-9 సంన్యాసం చతుష్ప్రకారమభిప్రేత్య ప్రథమం కుటీచకబహూదకరూపం భేదద్వయమాహ। అరణ్యేతి॥
1-85-10 గ్రామారణ్యయోః పృష్ఠతఃకరణం కథమితి పృచ్ఛతి। కథమితి॥
1-85-11 కృటీచకం విశినష్టి। న గ్రాంయమితి॥
1-85-12 బహూదకం విశినష్టి। అనగ్నిరితి॥
1-85-14 హంసపరమహంసౌ ప్రస్తౌతి। యస్త్వితి॥
1-85-15 ధౌతదంతం శుద్ధాహారం। కృత్తనఖం త్యక్తహింసాసాధనం। సదా స్నాతం నిత్యం శుద్ధచిత్తం। అలంకృతం శమాదినా। అసితం బంధరహితం। సితకర్మాణం శుద్ధకర్మాణం॥ 1-85-18 ఆస్యస్య యావదపేక్షితం తావదేవ మృగయతే నతు పరదినార్థణార్జయతీత్యర్థః॥
పంచాశీతితమోఽధ్యాయః॥ 85 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.